Tuesday, April 26, 2011

പാഴ് ശ്രമം

പാഴ് ശ്രമം -ഒന്ന്

ദിശമാറിയൊഴുകുന്ന 
പുഴയുടെ ഗതിയെ 
ഇരുകൈകൂട്ടി പുണര്‍ന്ന് 
തടഞൊന്നു   നിര്‍ത്തുവാന്‍ 
വ്യഥാപണിപ്പെടുന്നു ഞാന്‍ 
തട്ടി തെറിക്കുമാതുള്ളികള്‍ 
പൊട്ടിതകര്‍ത്തെന്റെ   വലയം
ഞെട്ടറ്റുവീഴുമിലപോല്‍ 
ഒന്ന് കറങ്ങിതിരിഞ്ഞ് 
അനുസ്യൂതമൊഴുകി പിന്നെയും 


പാഴ് ശ്രമം-രണ്ട്


ഓര്‍മ്മകളുടെ 
ഓണമായി നീ 
ഓടിയണഞ്ഞാല്‍ 
മറവിതന്‍   
മാറാലയാല്‍  
മതിലുകള്‍ 
പണിയും ഞാന്‍ 

Friday, April 22, 2011

മിഥ്യാധാരണ !!!

ചീര്‍ത്ത് വീര്‍ത്ത നിന്റെ കവിളുകള്‍ക്കും
കരഞ്ഞു കലങ്ങിയ നിന്റെ കണ്ണുകള്‍ക്കും 
ചിതറി തെറിച്ച നിന്റെ കൂന്തലിനും 
ഒടിഞ്ഞു തൂങ്ങിയ  നിന്റെ ശിരസ്സിനുമപ്പുറം 
ചതഞ്ഞരഞ്ഞ നിന്റെ മനസ്സ് 
അതാണെന്റെ വേദന !!!!!

Thursday, April 14, 2011

ഏഴുതിരിയിട്ടു കത്തിച്ച നിലവിളക്ക് , ഓട്ട് കിണ്ടിയില്‍ പുണ്യാഹം , വെള്ളിത്തട്ടില്‍ കൊന്നയും , കോടി മുണ്ടും , കണി വെള്ളരിയും , പഴുത്ത മാബഴവും ,  അരമുറി തേങ്ങയും. ചൂടെറും  പലഹാരങ്ങള്‍ ചുറ്റിനും  . ചാരെ ചിരി തൂകി സാക്ഷാല്‍ കണ്ണനും!!!! വീണ്ടുമൊരു വിഷുകണി !!! സമൃദ്ധിയുടെ വിഷുക്കാലം നേരുന്നു !!!