വെലങ്ങനെ വരകളുള്ള
ഡയറി പേജുകളിലൊന്നില്
ചെമപ്പ് മഷികൊണ്ട്
ഒത്തനടുക്കൊരു
കോട്ടവരച്ച്, ചുറ്റും
കുത്തിവരകളാലൊരു
കുന്നുണ്ടാക്കി, കീഴെ
കുനുകുനാന്ന്
കുറിച്ച് വച്ചിരിക്കുന്നു,
രക്ഷപ്പെടാന്
വഴികാണിക്കാമോയെന്ന്...
അലസമായ വായനക്കിടയില്
അറിയാതെ കണ്ണിലുടക്കിപ്പോയതാണ്
മറിച്ചൊഴിവാക്കാന് മനസ്സനവദിച്ചില്ല.
ഒട്ടുമമാന്തിക്കാതെ
ഉയിരും മുറുകെ പിടിച്ച്
ഊടുവഴികളിലൂടൊരുപാടലഞ്ഞു.
ഒടുവിലറിഞ്ഞു
അടവാണെന്നറിയാതെ
അകപ്പെട്ടിരിക്കുന്നു
വിഡ്ഢി,
തടവറയിലായിരിക്കുന്നു
രക്തവര്ണ്ണമുള്ള
കൊച്ച് കോട്ടയ്ക്കകത്ത്,
വഴികാണിക്കാമോ..???