പുഴ സ്വച്ഛമായി ഒഴുകിയ കാലത്ത്
കൈകളില്‍ തൂങ്ങിയാടി
ഒട്ടി ചേര്‍ന്ന്
കൊക്കുരുമി നടന്ന
ഒരു നിമിഷത്തില്‍
എന്നോട് പറഞ്ഞു,
'''ഈ നിമിഷം അങ്ങു പോയാലോ നമുക്ക്'''?
വായ്‌പൊത്തി
വലിച്ചുചേര്‍ത്ത്
കാതില്‍ അരുതേ എന്നോതി ഞാന്‍.
പുഴ ഗതിമാറിയൊഴുകിയ കാലത്ത്
കോളുകള്‍ അറ്റെണ്ട്‌ ചെയ്യാതെ
ഒഴിഞ്ഞു മാറി അകന്ന്‌ തുടങ്ങിയ
ഒരു നിമിഷത്തില്‍
ഞാന്‍ പറഞ്ഞു
'''ഈ നിമിഷം അങ്ങുപോയാലോ നമുക്ക്'''?
ചുണ്ടുകളില്‍ ഉരസി
നെറ്റിയിലുമ്മ വച്ചു
കാതുകളില്‍ എനിക്കു മാത്രമൊരു
വഴി പറഞ്ഞു തന്നു
വടക്കോട്ടു പാറിപോയ്‌ തെന്നല്‍........
No comments:
Post a Comment